இங்கிலாந்தின் பல பகுதிகளில் கடுமையான வானிலை நிலைமை ஏற்படக்கூடும் என்று வானிலை ஆய்வு மையம் எச்சரித்துள்ளது. இந்த எச்சரிக்கையின்படி, சில இடங்களில் காற்றின் வேகம் மணிக்கு 50 கிலோமீட்டர் வரை அதிகரிக்கக்கூடும். இதனால், இடியுடன் கூடிய மழை மற்றும் திடீர் மழை பொழிவுகள் ஏற்படும் வாய்ப்பு அதிகம்.
தென்மேற்கு இங்கிலாந்து, கார்ன்வால், டெவோன் மற்றும் பிரிஸ்டல் சேனல் சுற்றுவட்டார பகுதிகளில் அதிக மழை பொழிவுக்கான சாத்தியக் கூறுகள் உள்ளதாக வானிலை ஆய்வு மையம் தெரிவித்துள்ளது. இந்த மோசமான வானிலை நிலைமை தற்போது நாட்டில் நிலவும் குறைந்த அழுத்த வானிலை மண்டலம் காரணமாக ஏற்பட்டுள்ளது. இதனால், பல இடங்களில் பலத்த காற்று, கனமழை மற்றும் கடலோர பகுதிகளில் கடும் அலைச்சல் போன்ற நிலைகள் ஏற்படக்கூடும்.
இந்த சீரற்ற வானிலை நிலைமை வார இறுதி முழுவதும் தொடரக்கூடும் என்று வானிலை ஆய்வு மையம் கூறியுள்ளது. எனவே, பொதுமக்கள் தேவையற்ற பயணங்களை தவிர்க்குமாறும், கடலோர மற்றும் திறந்த வெளிப் பகுதிகளில் மிகுந்த கவனத்துடன் இருக்குமாறும் வானிலை ஆய்வு மையம் பொதுமக்களுக்கு அறிவுறுத்தி உள்ளது. இந்த வானிலை எச்சரிக்கையை கவனத்துடன் பார்த்து, தேவையான ஏற்பாடுகளை செய்து கொள்ளுமாறு பொதுமக்கள் கேட்டுக்கொள்ளப்படுகின்றனர்.
