இலங்கையில் குடிநீர் போத்தல்களுக்கான அதிகபட்ச சில்லறை விலையை அரசாங்கம் கடந்த வாரம் நீக்கியதை அடுத்து, குடிநீர் போத்தல்களுக்கான புதிய விலைகள் இன்று அறிவிக்கப்பட்டுள்ளன.
அதற்கமைய, 5 லீற்றர் போத்தல் குடிநீரின் விலை 200 ரூபாவாகவும், 7 லீற்றருக்கான விலை 240 ரூபாவாகவும் நிர்ணயிக்கப்பட்டுள்ளதாக குடிநீர் சங்கம் இன்று அறிவித்துள்ளது.
அதேபோல, 500 மில்லிலீற்றருக்கான விலை 50 ரூபாவாகவும், ஒரு லீற்றருக்கான விலை 70 ரூபாவாகவும், 1.5 லீற்றருக்கான விலை 90 ரூபாவாகவும் அறிவிக்கப்பட்டுள்ளது.
