கிளிநொச்சி பகுதியில் இருந்து சட்டவிரோதமாக மணல் கடத்தல் நடந்து வருவதாக சாவகச்சேரி பொலிஸாருக்கு தகவல் கிடைத்தது. இதை அடுத்து அவர்கள் நேற்று குறிப்பிட்ட வாகனத்தை வழிமறித்து சோதனை செய்தனர். அப்போது வாகனத்தில் சட்டவிரோதமாக மணல் கடத்தப்பட்டிருந்தது கண்டுபிடிக்கப்பட்டது.
இந்த வாகனத்தை ஓட்டிச் செல்லும் சாரதி பளை பகுதியில் இருந்து தென்னம் பொச்சு மட்டைகளை ஏற்றி செல்வது போன்று அனுமதி பத்திரமின்றி மணலை கடத்தி வந்துள்ளார். இந்த சாரதி யாழ்ப்பாணம் பருத்தித்துறை பகுதிக்கு நீண்ட காலமாக இவ்வாறு மணலை கடத்தி வந்துள்ளார். இது தொடர்பாக சாவகச்சேரி பொலிஸார் மேலதிக விசாரணைகளை முன்னெடுத்து வருகின்றனர்.
வாகன சாரதியை கைது செய்த சாவகச்சேரி பொலிஸார் அவரை பொலிஸ் நிலையத்தில் மறித்து வைத்திருக்கின்றனர். மணல் கடத்த பயன்படுத்திய வாகனத்தை சாவகச்சேரி பொலிஸ் நிலையத்திற்கு கொண்டு சென்றுள்ளனர். இந்த வழக்கு தொடர்பாக பொலிஸார் தொடர்ந்து விசாரணைகளை முன்னெடுத்து வருகின்றனர்.
