லண்டன் மிருகக்காட்சிசாலையில் ஒரு விசேட நிகழ்வு இடம்பெற்றது. அங்கு வருகை தந்த பார்வையாளர்கள் அனைவரும் ஒன்றிணைந்து, ஒரு பெரிய ஓவியத்தை உருவாக்கினர். இந்த ஓவியம் கின்னஸ் உலகச் சாதனை புத்தகத்தில் இடம்பெற்றுள்ளது.
லண்டன் விலங்கியல் சங்கத்தின் 200-ஆவது ஆண்டு நிறைவைக் குடையில் இந்த சாதனை முயற்சி மேற்கொள்ளப்பட்டது. இந்த ஓவியத்தை உருவாக்குவதற்கு 14,000-க்கும் மேற்பட்ட பொதுமக்களும் பார்வையாளர்களும் தங்களது வண்ணப் பங்களிப்பை வழங்கியுள்ளனர். இந்த ஓவியம் லண்டன் மற்றும் விப்ஸ்னேட் மிருகக்காட்சிசாலைகளில் வைத்து உருவாக்கப்பட்டது.
இந்த ஓவியம் 21 பெரிய பலகைகளில் பரந்து விரிந்து காணப்படுகிறது. இதில் சுமார் 200 வகையான விலங்குகளின் சித்திரங்கள் வரையப்பட்டுள்ளன. இந்த ஓவியம் தற்போது முழுமையாக நிறைவடைந்துள்ளது. லண்டன் மிருகக்காட்சிசாலைக்கு வருகை தரும் பார்வையாளர்கள் விரைவில் இந்த ஓவியத்தை பார்வையிட முடியும்.
அதனைத் தொடர்ந்து, இந்த ஆண்டின் பிற்பகுதியில் இந்த ஓவியம் விப்ஸ்னேட் மிருகக்காட்சிசாலைக்கு நிரந்தரமாக மாற்றப்படவுள்ளது. இந்த ஓவியம் உலகில் இல்லாத வகையில் மிக அதிகளவிலான நபர்களின் பங்களிப்புடன் உருவாக்கப்பட்ட ஒரு கூட்டு ஓவியமாகும். இது ஒரு புதிய உலகச் சாதனையைப் பதிவு செய்துள்ளது.
