லெபனானின் டயர் நகரில் இஸ்ரேலிய இராணுவத்தின் குண்டுவீச்சில் குறைந்தது 8 பேர் உயிரிழந்துள்ளனர். அமெரிக்க ஜனாதிபதி டொனால்ட் டிரம்ப் லெபனான் மீதான தாக்குதல்களை உடனடியாக நிறுத்துமாறு எச்சரித்திருந்தாலும், இந்தத் தாக்குதல் நடந்துள்ளது. இஸ்ரேலிய இராணுவம் டயர் நகரிலிருந்து மக்களை வெளியேறுமாறு உத்தரவிட்ட சில நிமிடங்களிலேயே இந்தத் தாக்குதல் நடந்தது.
டயர் நகரில் உள்ள குடியிருப்புப் பகுதி மீது இஸ்ரேலிய இராணுவம் குண்டுவீச்சி நடத்தியதாகக் கூறப்படுகிறது. இதில் 8 பேர் சம்பவ இடத்திலேயே உயிரிழந்துள்ளதாக லெபனான் சிவில் பாதுகாப்புப் படை உறுதிப்படுத்தியுள்ளது. இந்தத் தாக்குதல் நடந்த இடத்தில் பொதுமக்கள் நடமாட்டம் அதிகமாக உள்ளது.
நேற்று முன்தினம் சர்வதேச செஞ்சிலுவைச் சங்க மையத்திற்கு அருகில் இஸ்ரேல் நடத்திய தாக்குதலில் 5 பேர் கொல்லப்பட்டதுடன், பல மருத்துவப் பணியாளர்களும் காயமடைந்துள்ளனர். இஸ்ரேல் மற்றும் ஈரானுக்கு இடையே ஆபத்தான இராணுவ மோதல்கள் நடந்து வருகின்றன. இந்த நிலையில், ஈரானுடன் அமைதி ஒப்பந்தத்தை எட்டுவதற்கான “இறுதி கட்டத்தில்” தான் இருப்பதாக அமெரிக்க ஜனாதிபதி டொனால்ட் டிரம்ப் அறிவித்துள்ளார்.
இன்னும் சில நாட்களில் இந்த ஒப்பந்தம் கையெழுத்தாகலாம் என்றும் அவர் சுட்டிக்காட்டியுள்ளார். இஸ்ரேல் மற்றும் ஈரானுக்கு இடையேயான மோதல்கள் தொடர்ந்து நடந்து வருகின்றன. இந்த நிலையில், அமெரிக்கா இரு தரப்பிற்கும் இடையே அமைதி ஒப்பந்தத்தை எட்ட முயற்சிகளை மேற்கொண்டு வருகிறது.
