சுப்பரான பிரெட் பீட்சா செய்வது எப்படி?

தேவையானவை:

கிரீன் சட்னி செய்ய:

புதினா, கொத்தமல்லித்தழை - தலா ஒரு கப்

பச்சை மிளகாய் - 2

எலுமிச்சைச் சாறு - ஒரு டீஸ்பூன்

உப்பு - தேவையான அளவு

பீட்சா செய்ய:

பிரெட் ஸ்லைஸ் - 4

கிரீன் சட்னி - ஒரு கப்

குடமிளகாய் (மஞ்சள், சிவப்பு) - தலா அரை கப் 

(பொடியாக நறுக்கியது)

மிளகுத்தூள் - அரை டீஸ்பூன்

மொஸரெல்லா சீஸ் துருவல் - 4 டேபிள்ஸ்பூன்

ஓரிகானோ - ஒரு டீஸ்பூன்

உப்பு - தேவையான அளவு

செய்முறை:

கிரீன் சட்னி செய்யக் கொடுத்துள்ள பொருள்களை ஒன்றாகச் சேர்த்து அரைத்து எடுக்கவும்.

பிரெட் ஸ்லைஸ்களின் மீது கிரீன் சட்னியைத் தடவவும். அதன் மேல் குடமிளகாய் கலவையைப் பரப்பவும்.

அதன் மேலே சீஸ் துருவல், ஓரிகானோ, உப்பு, மிளகுத்தூளைத் தூவவும்.

பிறகு இதை மைக்ரோவேவ் அவனில் மீடியம் பவரில் ஐந்து நிமிடங்கள் வைத்து எடுத்துப் பரிமாறவும்.