அமெரிக்காவில் பிரபல உலக அழகி செஸ்லி கிரிஸ்ட் மாடியில் இருந்து விழுந்து உயிரிழள்ளதாக தகவல் வெளியாகியுள்ளது.
கடந்த 2019 ஆம் ஆண்டு நார்த் கரோலினா பகுதியில் நடைபெற்ற உலக அழகி போட்டியில் பட்டம் வென்றவர் 30 வயதான செஸ்லி கிரிஸ்ட். இவர் நியூயார்க் நகரில் உள்ள 60 மாடி குடியிருப்பில் வசித்து வந்துள்ளார்.
இந்நிலையில் கடந்த ஞாயிற்றுக்கிழமை 9வது மாடியில் இருந்து கீழே விழுந்த அவர் சம்பவ இடத்திலேயே இறந்து விட்டதாக செய்தியாளர் ஒருவர் தெரிவித்துள்ளார். இந்நிலையில் கிறிஸ்டின் மரணம் தற்கொலையா என்பது குறித்து மருத்துவப் பரிசோதனை முடிவுக்கு பின்னரே தெரிய வரும் என கருதப்படுகிறது.
செஸ்லி கிரிஸ்ட், 1991 இல் மிச்சிகன் மாகாணத்தில் உள்ள ஜாக்சன் நகரில் அவர் பிறந்தார். தென் கரோலினா பல்கலைக்கழகத்தில் பயின்ற பின், 2017 ஆண்டு வேக் ஃபாரஸ்ட் பல்கலைக்கழகத்தில் சட்டப்படிப்பில் பட்டம் பெற்றுள்ளார்.
அதன் பின் வழக்கறிஞராக அவர் பணியாற்றி வந்துள்ளார். எனினும் 2019ம் ஆண்டு உலக அழகியாக பட்டம் வென்ற பின்னர் தமது வேலையை அவர் ராஜினாமா செய்ததாக கூறப்படுகிறது.
இந்நிலையில் செஸ்லி கிரிஸ்ட் மறைவுக்கு நடப்பாண்டில் உலக அழகி பட்டம் வென்ற ஹர்னாஸ் சந்து இரங்கல் தெரிவித்துள்ளார்.
அத்துடன் செஸ்லி கிரிஸ்ட் உயிரிழந்த செய்தி இதயத்தை உடைக்கும் வகையில் இருந்ததாகவும், அது நம்ப முடியாதது என்றும் அவர் குறிப்பிட்டுள்ளார்.
