ஈரானைச் சேர்ந்த நபர் ஒருவர் வெறும் ஸ்பூனை வைத்து உலக சாதனை புத்தகமான கின்னஸ் புத்தகத்தில் இடம் பிடித்து அனைவரையும் ஆச்சர்யப்படுத்தியுள்ளார். மேலும் இதுதொடர்பான காணொளி இணையத்தில் வைரலாகி வருகிறது.
கின்னஸ் புத்தகத்தில் இடம் பெற வேண்டும் என்பதற்காக மக்கள் மெய் சிலிர்க்க வைக்கும் சாகசங்கள் முதல் விநோதமான செயல்கள் வரை பலவற்றை முயற்சித்து செய்து வருகின்றனர். நீளமாக மீசை மற்றும் நகம் வளர்ப்பது, நீண்ட நேரம் முத்தம் கொடுப்பது, மலைக்க வைக்கும் அளவிற்கு உணவு உட்கொள்வது என ஆச்சர்யமான, வினோதமான பல சாதனைகளை பார்த்திருப்போம்.
அந்த வகையில் ஈரானைச் சேர்ந்த நபர் தனது உடலில் 85 ஸ்பூன்களை சமன் செய்து, கின்னஸ் புக் ஆஃப் ரெக்காட்டில் இடம் பிடித்து சாதனை படைத்துள்ளார்.
அன்றாட வாழ்க்கையில், நாம் அனைவருமே ஸ்பூன் சாப்பிட மட்டுமே பயன்படும் என நினைத்திருப்போம். ஆனால் அதை வைத்து யாராவது உலக சாதனை படைப்பார்கள் என சிந்திருக்க மாட்டோம். அப்படி கற்பனைக்கும் அப்பாற்பட்ட வகையில், ஈரானியர் செய்துள்ள இந்த விநோத சாதனை அனைவரது கவனத்தையும் ஈர்த்துள்ளது.
